Трохі пра нас (заўжды зверху)

Шукаеце кнігу ці часопіс?

Даўно хацелі задаць пытанне супрацоўнікам кнігарні ці выдавецтва "логвінаЎ"?

Проста засумавалі і ахвота пагаварыць пра літаратуру?

Каментуйце сюды. Адкажам.

Таксама можна тэлефанаваць (017) 290-63-06, а лепей прыходзіць да нас на адрас праспект Незалежнасці 37А, Менск.

Працуем штодня з 10.00—22.00, без выходных

Кнігі выдавецтва ЛОГВІНАЎ (а таксама яшчэ тое-сёе) можна купіць у інтэрнэт-краме КНІГІ-ПОШТАЙ.

КНІГІ – ПОШТАЙ

Прэзентацыя кніг ізраільска-беларускага пісьменніка Давіда Шульмана

11 чэрвеня Давід Шульман, колішні барысавец і цяперашні эйлатавец, прэзентуе кнігі прозы “Баскетболистка з улицы Жданова” і “Дзе ўзяць крыху шчасця?”. У імпрэзе, акрамя аўтара, возьмуць  удзел:11

Уладзімір Арлоў
Уладзімір Някляеў

Кнігарня логвінаЎ (Незалежнасці 37а). Пачатак а 18. Уваход вольны.



Крыху пра кнігу “Баскетболистка с улицы Жданова”. Адін мудры челавек,  Мэнахем Мэндль Шнээрсон, лідар “Хабаду” сказаў: “Думайце пра добрае і ўсё будзе добра”.  Героі апавяданняў Давіда Шульмана спрабуюць жыць  згодна з гэтым прынцыпам , але ў іх не заўжды атрымліваецца.

10 чэрвеня. Вялікая прэзентацыя “Краіны Беларусь” ў галерэі “Ў”

10
“Краіна  Беларусь” – кніга для кожнай беларускай сям’і.

This country called Belarus” – найлепшы падарунак замежнаму сябру і партнёру.
“Страна Беларусь” – для тых, хто  яшчэ не  вывучыў беларускай мовы.
“Вялікае  Княства  Літоўскае” – кніга для грамадзян ВКЛ ды іхніх нашчадкаў.

10 чэрвеня  (панядзелак) у галерэі “Ў” і кнігарні логвінаЎ (праспект Незалежнасці 37А) адбудзецца вялікая прэзентацыя  кнігі Уладзіміра Арлова і Змітра Герасімовіча “Краіна Беларусь. Ілюстраваная гісторыя” на некалькіх мовах. 

Бяруць удзел:
Джым Дынглі, перакладчык, прафесар Лонданскага ўніверсітэта
Уладзімір Арлоў і Зміцер Герасімовіч
Лявон Баршчэўскі
Вольга Калацкая
Зміцер Санько
на дудзе зайграе  Яўген Барышнікаў.

Чакаюцца сюрпрызы. Пачатак а 19.  Уваход вольны.

18 траўня. Ноч у кнігарні з Міхалам Анемпадыставым

18Пры святле свечак і пледах мы сцішана паразмаўляем з паэтам і мастаком Міхалам Анемпадыставым, ды прадставім шаноўнай публіцы яго новую кнігу “Глыбока, глыбока на дне філіжанкі”

З музычным удзелам Касі Камоцкай ды паэтычным Ігара Бабкова
                               
Кнігарня логвінаЎ на Незалежнасці 37а. Пачатак а 22. Уваход вольны

Імпрэза праходзіць у межах акцыі “Ноч музеяў” і даступная  для людзей з абмежаванымі  магчымасцямі

Лялечны тэатрык “Лямцавая батлейка” ў кнігарні логвінаЎ

1414 траўня лялечны тэатрык Веранікі Фаміной "Лямцавая Батлейка" прэзентуе спектакль "Мама Му чытае і прыбірае" паводле кніг шведскай пісьменніцы Юі Вісландэр. Пастаноўка Святланы Бень і Веранікі Фаміной. З удзелам перакладніцы Надзеі Кандрусевіч.

Працягласць спектаклю 35-40 хвілінак. Уваход – вольны. Дзеткі і дарослыя, прыходзьце! Мама Му падрыхтуе таксама для вас сок і печыва.

Кнігарня логвінаЎ (Незалежнасці 37а). Пачатак а 14.

 

7 траўня. Гістарычны аўторак у кнігарні логвінаЎ

7
Да дня Перамогі запрашаем на
прэзэнтацыю набору плакатаў “Палкаводцы і
военачальнікі зямлі беларускай”.

З удзелам падпалкоўніка запасу, гісторыка Віталя Чырвінскага.
7 траўня (аўторак). Кнігарня логвінаЎ (Незалежнасці 37а). Пачатак а 19. Уваход – вольны.
Крыху пра “Палкаводцаў военачальнікаў”. Прадстаўленая серыя плакатаў – даніна памяці і павагі да нашых суайчыннікаў, якія на працягу тысячагадовай беларускай гісторыі праз
змены дзяржаўнай прыналежнасці (Полацкае княства, Вялікае Княства Літоўскае, Рэч Паспалітая, Расійская імперыя, Савецкі Саюз) шматлікія войны пранеслі гонар і славу айчыннай зброі. Дваццаць восем выбітных вайскоўцаў дзеячаў  ад легендарнага князя Ўсяслава Чарадзея да дэсантніка № 1 генерала Васіля Маргелава.

6-27 траўня Выстава Ekspartny varyjant

6У кнігарні логвінаЎ  адкрываецца выстава “Экспартны варыянт. Беларуская літаратура ў замежных перакладах”. Наведнікі змогуць азнаёміцца з  выданнямі сучаснай беларускай літаратуры на іншых мовах.

Прызнаныя айчынныя аўтары Васіль Быкаў, Уладзімір Караткевіч, Ларыса Геніюш, Уладзімір Арлоў, Уладзімір Някляеў, Андрэй Хадановіч, Наталка Бабіна, Барыс Пятровіч, Артур Клінаў і Адам Глобус у ангельскіх, польскіх, украінскіх, нямецкіх, чэшскіх, шведскіх, расійскіх перакладах.


Кнігі будуць ляжаць у вольным доступе і кожны наведнік зможа іх пагартаць, а таксама набыць некаторыя выданні.

Урачыстае адкрыццё  выставы - 6 траўня а 19 гадзіне. Выстава працягнецца да 27 траўня. Наведаць выставу можна штодня з 10 да 22 вечара. Кнігарнія логвінаЎ (Незалежнасці 37а). Уваход – вольны.

27 красавіка - Ноч у кнігарні

mak3Кнігарня логвінаЎ (Незалежнасці 37а) адкрывае летні сезон. Суботнім вечарам 27 красавіка пры святле свечак і пры кава-гарбаце мы будзем чытаць новы часопіс “Макулатура. №3 “Без галавы”.

У  кніжным няспанні бяруць удзел літаратары:

Уладзіслаў Ахроменка
Сяргей Календа


Пачатак а 21. Уваход вольны

Раcчляненне сучаснага беларуса. Фрашка ад кнігарня


2Перакладаем для шведскага выдавецтва анатацыі нашых найлепшых кніг. Фразу “Сучасны беларус зьяўляецца перад намі ў дзесяці частках” ( гэта пра “Толькі не гавары маёй маме”, кнігу, складзеную з дзесяці навэл ...Адама Глобуса), перакладчык пераклаў гэтак:
A present-day Belarusan appears before our eyes in ten PIECES.
Шведскі бок адразу ж зрэагаваў: “Дык што, можа, кніга пойдзе пад рубрыкай Horror fiction from Belarus/ ”Жахалкі з Беларусі”?